Jampie s leste oetvinnen.

 Jampie's leste oetvinnen.
Ain dolle boudel veur vief vraauwen en drij kerels.
in drij bedrieven.

Zeun Jan (Jampie), kind van t echtpoar Bertus en Sien is n apaarde, liekt sums net of e nait goud wies is. Hai denkt dat e oetvinner is en dut den ook de maaist gekke oetvinnens en dij lopen maaistens nait goud of. Den komt inainen Kitty op bezuik, zai is de dochter van de vrougere dörpsdokter dij zai zok nog best kennen heugen. Zai wil t leven op de boerderij nog wel ais n poar weken mitmoaken. Jampie het gain goie herinnerns aan heur, zai pluig hom te veul. Den is doar ook nog de knecht Willem. dij n ogie op Kitty krigt. Buurwichtje Hendrikje is n slome donder, dij ook nog ais haile laaizig prat. Heur moeke Antje ook al n bedie onneuzel, bemuid zok overaal met en heur zuster Jantje beoamt dat aaltied. Oh joa, den is er ook nog n badjuffer (dubbelrol) in t spul.  n Bedie veraandern met n blonde of zwaarde proek. Zai blift veur t publiek dus wel herkenboar.