Woar bennen we an begonnen?

Woar ben we an begonnen .
openluchtspu of /zoal in drij bedrieven
veur: vief vraauwen en drij kerels

7294
As Gerrit Loman en zien vraauw Klazien, bie t overaarvde boerderijtje van oldoom Gart-Jan an komen, bliekt t n vervallen boerenstee te wezen. “Vluchten ken nait meer”, want de huur is opzegd en de meubels bennen al onnerwegens. Goie road is dus nait zo duur, zai zellen wel mouten blieven. Goie road wordt der wel geven deur de baaide buurvraauwen Berthoa “Bokkeblad”en Antje. As de kinder Loman an komen, ontstaait der nog al wat beroeren, want zeun Derk het elk en ain veur de maf en vertelt den ook rond, dat zai t haile spultje kocht hebben. Nog groder wordt de verwarren as Post n
kevort brengt woarin te lezen staait, dat de boudel ofbroken mout worden, omdat der n snelweg langs anlegt mout worden. Hou mouten zai dat nou weer tegenhollen? Derk wait road en zien zuster Gees helpt hom doarbie. Der mout wat vonnen worden zodat dij snelweg nait deur ken goan. ’n Korenwolf messchain? Of wat old stainen raif van vrougerheer? De stadse juffer Josefien van ain of aander cultuurbelaaid wordt ongewild inschoakeld. Tussendeur is t beheer van n boerenstee toch ook veur Gerrit Loman stoerder as hai docht. Zes hounder, heuren doar aigenlieks wel zes hoanen bie? En hou komt t toch dat dij schoapen zo “vroom” bennen? En hou melk nou ook weer n segebok? Mor zoas aaids is t ende toch weer goud, joa hou ken t ook aans?